പെൺകുട്ടിയോട് അസഭ്യം പറഞ്ഞ് യുവാവ്; പിടിച്ചുവെച്ച നാട്ടുകാർക്കുനേരെ മുളകുസ്പ്രേ പ്രയോഗം

ചങ്ങനാശ്ശേരി : പെൺകുട്ടിയോട് അസഭ്യം പറഞ്ഞതിന് പിടിച്ചുവെച്ച യുവാവ് നാട്ടുകാർക്കുനേരെ മുളകുസ്പ്രേ പ്രയോഗിച്ചു. ശേഷം സ്ഥലത്തെത്തിയ പോലീസ് യുവാവിനെ കസ്റ്റഡിയിലെടുത്തു. സെൻട്രൽ ജംഗ്ഷനിലെ വ്യാപാരികൾക്ക് നേരെയാണ് യുവാവ് മുളകുപൊടി പ്രയോഗിച്ചത്. പെൺകുട്ടിയോട് അസഭ്യം പറഞ്ഞതിന്റെ പേരിലാണ് യുവാവിനെ പിടിച്ചുവെച്ചതെന്ന് വ്യാപാരികൾ പറയുന്നു.

എന്നാൽ, പോലീസ് സംഭവസ്ഥലത്തെത്താൻ വൈകി എന്നും വിമർശനം ഉയർന്നു. ഇതിൻ്റെ പേരിൽ സ്ഥല എം.എൽ.എ. ജോബ് മൈക്കിൾ പോലീസിനെ പരസ്യമായി ശാസിച്ചു.