രഹസ്യവിവരം: ഓട്ടോറിക്ഷയിൽ എത്തിയ യുവാവിനെ തടഞ്ഞ് പരിശോധന, പിടികൂടിയത് 63 കുപ്പി മദ്യം

മലപ്പുറം : ഓട്ടോറിക്ഷയിൽ കടത്തുകയായിരുന്ന 63 കുപ്പി ഇന്ത്യൻ നിർമ്മിത വിദേശമദ്യം പരപ്പനങ്ങാടി എക്സൈസ് പിടികൂടി. സംഭവത്തിൽ മാത്തഞ്ചേരിമാട് സ്വദേശി ദീപേഷ് എന്ന യുവാവിനെ അറസ്റ്റ് ചെയ്‌. അസി.എക്സൈസ് ഇൻസ്പെക്‌ടർ പ്രജോഷ് കുമാറിൻ്റെ നേതൃത്വത്തിലാണ് ദീപേഷിനെ പിടികൂടിയത്. ബീവറേജസ് കോർപ്പറേഷൻ്റെ വിൽപ്പനശാലയിൽ നിന്ന് മദ്യം വാങ്ങി ശേഷം പറമ്പിൽ പീടിക, വരപ്പാറ, പുകയൂർ, തോട്ടശ്ശേരിയറ എന്നിവിടങ്ങളിൽ അനധികൃത വില്പനയ്ക്ക് കൊണ്ടുവന്നതാണ് മദ്യം. പട്രോളിങ്ങിനിടെ ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ പറമ്പിൽ പീടികയിൽ നിന്നാണ് ഇയാളെ പിടികൂടിയതെന്നും എക്സൈസ് അറിയിച്ചു. അസി.എക്സൈസ് ഇൻസ്പെകർ പി. പ്രശാന്ത്, പ്രിവന്റീവ് ഓഫീസർ ബിജു, വനിതാ സിവിൽ എക്സൈസ് ഓഫീസർ സിന്ധു എന്നിവരും പരിശോധന സംഘത്തിലുണ്ടായിരുന്നു. ദീപേഷിന്റെ പേരിൽ നിരവധി അബ്‌കാരി കേസുകൾ നിലവിലുണ്ടെന്നും എക്സൈസ് അറിയിച്ചു.