വന്യമൃഗങ്ങളുടെ ആക്രമണത്തിൽ നിന്ന് മലയോര കർഷകരെയും നിവാസികളെയും രക്ഷിക്കുക എന്ന മുദ്രാവാക്യം ഉയർത്തിക്കൊണ്ട് യു ഡി എഫ് മലയോര സമര പ്രചരണയാത്ര നടത്തും. പ്രതിപക്ഷ നേതാവ് വി ഡി സതീശൻ നയിക്കുന്ന പ്രചരണയാത്ര ജനുവരി 27 നു ആരംഭിച്ചു ഫെബ്രുവരി 5 ന് സമാപിക്കും. വനനിയമ ഭേദഗതി ബിൽ പിൻവലിക്കുക, കാർഷിക മേഖലയിലെ തകർച്ചക്ക് പരിഹാരം ഉണ്ടാക്കുക, ബഫർസോൺ വിഷയത്തിൽ കേന്ദ്രസർക്കാർ ഇടപെടുക തുടങ്ങിയ ആവശ്യങ്ങളും മലയോര സമര പ്രചരണ യാത്രയിൽ ഉന്നയിക്കും. യുഡിഎഫ് കൺവീനർ എം എം ഹസനാണ് മുന്നണിയുടെ തീരുമാനങ്ങൾ അറിയിച്ചത്.
ഇരിക്കൂറിലെ ഉളിക്കൽ മുതൽ പാറശ്ശാലയിലെ അമ്പൂരി വരെയാണ് പ്രചാരണ യാത്ര നടക്കുക. നിലവിലെ നിയമഭദഗതി വനത്തിനുള്ളിലെ അടിയന്തരാവസ്ഥ ആണെന്നും പരിഹരിക്കും എന്ന വാക്ക് വിശ്വസിച്ചുകൊണ്ട് മാത്രം പ്രക്ഷോഭത്തിൽനിന്നും പിന്നോട്ട് പോകില്ലെന്നും എം എം ഹസ്സൻ വ്യക്തമാക്കി. വന്യജീവി ആക്രമത്തിൽ മരിക്കുന്നവർക്ക്ന നിലവിൽ നൽകുന്ന നഷ്ടപരിഹാരതുക ഉയർത്തണം. നാലവിൽ നൽകുന്ന !) ലക്ഷം രൂപ മതിയാവില്ല. അർഹരായ പലർക്കും ഇന്നും നഷ്ടപരിഹാര തുക ലഭിച്ചിട്ടില്ല. മരിക്കുന്നവരുടെ മക്കളുടെ വിദ്യാഭ്യാസം സർക്കാർ ഏറ്റെടുക്കണമെന്നും എം എം ഹസൻ ആവശ്യപ്പെട്ടു.
