മൂന്നാറിൽ വീണ്ടും കാട്ടാനയുടെ ആക്രമണം. സ്ത്രീക്ക് പരിക്കേറ്റു.

മൂന്നാർ വാഗവരയിൽ കാട്ടാനയുടെ ആക്രമണത്തിൽ ഒരു സ്ത്രീക്ക് പരിക്കേറ്റു. തൃശൂർ സ്വദേശിനിയായ ദിൽജിക്കാണ് ആക്രമണത്തിൽ പരിക്കേറ്റത്. പുലർച്ചെ ഒന്നരയോടെയാണ് അപകടം നടന്നത്.

ദിൽജിയും മകൻ ബിനിലും ഇരുചക്ര വാഹനത്തിൽ മറയൂരിലേക്ക് പോകവെയാണ് കാട്ടാനയായ പടയപ്പ ഇവരെ ആക്രമിച്ചത്. ആനയെ കണ്ടു ഇവർ വാഹനം ഉപേക്ഷിച്ചു തിരിഞ്ഞോടി. അപ്പോൾ പടയപ്പ ദിൽജിയെ എടുത്തെറിയുകയായിരുന്നു. പുലർച്ചെ ഒന്നരയോടെയാണ് അപകടം നടന്നത്. ആക്രമണത്തിൽ ദിൽജിയുടെ ഇടുപ്പെല്ലിന് പൊട്ടലുണ്ട്. ഇപ്പോൾ തൃശൂർ അമല ആശുപത്രിയിൽ ചികിത്സയിലാണ്.