‘വിവാദ പരാമർശത്തിൽ മാപ്പ് പറയില്ല ‘!പാർട്ടിയിൽ ഒറ്റപ്പെട്ട് കോൺഗ്രസ്‌ വക്താവ് ഷമാ മുഹമ്മദ്!

കഴിഞ്ഞ ലോക്‌സഭാ തെരഞ്ഞെടുപ്പില്‍ വടകര സീറ്റ് ചോദിച്ചു പാര്‍ട്ടിയില്‍ ഒറ്റപ്പെട്ട ഷമാ മുഹമ്മദ് വീണ്ടും വിവാദ കുരുക്കില്‍ പെട്ടിരിക്കുകയാണ് . ഇന്ത്യ ക്രിക്കറ്റ് ടീം ക്യാപ്റ്റന്‍ രോഹിത് ശര്‍മ്മയെ വിമര്‍ശിച്ചു പോസ്റ്റിട്ടതിനാണ് എ ഐ.സി.സി വക്താവ് ഷമാ മുഹമ്മദ് വാരിക്കുഴിയില്‍ വീണത്. ആ ഒറ്റപ്രസ്താവന കൊണ്ട് സ്വന്തം രാഷ്‌ട്രീയഭാവി തന്നെ പ്രതിസന്ധിയിൽ ആക്കിയിരിക്കുകയാണ് ഷമാ മുഹമ്മദ്. ഇത്ര വര്‍ഷമായി കോണ്‍ഗ്രസിന്റെ വക്താവായി ടിവി ചാനലുകളില്‍ വിലസിയ ഷമാ മുഹമ്മദ് അനവസരത്തിലാണ് രോഹിത് ശര്‍മ്മയുടെ തടിയെ വിമര്‍ശിച്ചത്. സംഭവം ദേശീയ വിവാദമായി ബി.ജെ.പി ഉയര്‍ത്തിയതിനെ തുടര്‍ന്ന് എ.ഐ.സി.സി നേതൃത്വം ഇടപെട്ടതിനാല്‍ പോസ്റ്റ് പിന്‍വലിച്ചു തലയൂരുകയായിരുന്നു.

ഷമാ മുഹമ്മദ്

കഴിഞ്ഞ ദിവസമാണ് രോഹിതിനെ അതിരൂക്ഷമായി വിമര്‍ശിക്കുന്ന എക്‌സ് പോസ്റ്റ് കോണ്‍ഗ്രസ് വക്താവ് ഷമ മുഹമ്മദ് പിന്‍വലിച്ചത്. സംഭവം ദേശീയ വിവാദമായതിനെ തുടര്‍ന്നാണ് കോണ്‍ഗ്രസ് നേതൃത്വം ഇടപെട്ട് കുറിപ്പ് പിന്‍വലിപ്പിട്ടതെന്നാണ് സൂചന. ഇത്തരം നടപടികള്‍ ആവര്‍ത്തിക്കരുതെന്ന് ഷമയ്ക്ക് പാര്‍ട്ടി താക്കീത് നല്‍കിയിട്ടുണ്ട്. പരാമര്‍ശം പാര്‍ട്ടിയുടെ നിലപാട് അല്ലെന്നും കോണ്‍ഗ്രസ് പ്രവര്‍ത്തക സമിതി അംഗം പവന്‍ ഖേര വ്യക്തമാക്കിയിട്ടുണ്ട്.

കഴിഞ്ഞ ദിവസം നടന്ന ഇന്ത്യ ന്യൂസിലന്‍ഡ് ചാമ്പ്യന്‍സ് ട്രോഫി മത്സരത്തിന് പിന്നാലെയാണ് രോഹിത് ശര്‍മ്മ തടിയനെന്നും കായികതാരത്തിന് ചേര്‍ന്ന ശരീരപ്രകൃതിയല്ല, ഭാരം കുറയ്‌ക്കേണ്ടതുണ്ടെന്നുമാണ് ഷമ എക്‌സില്‍ കുറിച്ചത്. ഇന്ത്യന്‍ ക്രിക്കറ്റ് കണ്ട എക്കാലത്തെയും മോശം ക്യാപ്റ്റനാണ് രോഹിത് എന്നുമായിരുന്നു ഷമയുടെ പോസ്റ്റ്. ഗാംഗുലി, തെണ്ടുല്‍ക്കര്‍, ദ്രാവിഡ്, ധോണി, വിരാട് കോഹ്ലി, കപില്‍ ദേവ്, ശാസ്ത്രി തുടങ്ങിയ മുന്‍ഗാമികളുമായി താരതമ്യപ്പെടുത്തുമ്പോള്‍ രോഹിത്തിന് എന്ത് ലോകോത്തര നിലവാരമാണ് ഉള്ളതെന്നും അദ്ദേഹം ഒരു ശരാശരി ക്യാപ്റ്റനാണ്, ഇന്ത്യയുടെ ക്യാപ്റ്റനാകാന്‍ ഭാഗ്യം ലഭിച്ച ഒരു ശരാശരി കളിക്കാരന്‍ മാത്രമാണ് രോഹിത്തെന്നും ഷമ കുറിച്ചു.

ചാമ്പ്യന്‍സ് ട്രോഫിയില്‍ പാകിസ്ഥാനെ തോല്‍പിച്ചതിന്റെ രോഷമാണോ ഷമ രോഹിത് ശര്‍മ്മയോട് തീര്‍ത്തത് എന്നാണ് പലരും ചോദിക്കുന്നത്. കോണ്‍ഗ്രസ് നേതാവിന്റെ രാജ്യസ്നേഹത്തെ സംശയമുണ്ടെന്ന് പലരും സമൂഹമാധ്യമങ്ങളില്‍ പങ്കുവെയ്‌ക്കുന്ന സന്ദേശങ്ങളില്‍ കുറ്റപ്പെടുത്തുന്നു. ചാമ്പ്യന്‍സ് ട്രോഫിയില്‍ തുടര്‍ച്ചയായ ജയങ്ങളിലൂടെ ഇന്ത്യയെ സെമിയില്‍ എത്തിച്ച ഇന്ത്യന്‍ ക്യാപ്റ്റന്‍ രോഹിത് ശര്‍മ്മയ്‌ക്ക് എല്ലാ കോണുകളില്‍ നിന്നും അഭിനന്ദനമെത്തുന്നതിന് ഇടയിലാണ് ഷമാ മുഹമ്മദ് രോഹിത് ശര്‍മ്മയുടെ വണ്ണക്കൂടുതലിനെയും വയറിനെയും വിമര്‍ശിച്ചത്.

അതേസമയം, ഇന്ത്യന്‍ ക്യാപ്റ്റനെതിരെയുള്ള ബോഡി ഷെയിമിങ് പരാമര്‍ശത്തില്‍ വിമര്‍ശനവുമായി രാഷ്ട്രീയ പാര്‍ട്ടികളുമെത്തി. രാഹുല്‍ ഗാന്ധിക്ക് കീഴില്‍ 90 തെരഞ്ഞെടുപ്പുകളില്‍ തോറ്റ കോണ്‍ഗ്രസാണ് രോഹിത്തിനെ മോശം ക്യാപ്റ്റനെന്ന് വിമര്‍ശിക്കുന്നതെന്ന് ബിജെപി നേതാവ് പ്രതികരിച്ചു. ടി20 ലോകകപ്പില്‍ ഇന്ത്യയെ ചാമ്പ്യന്‍മാരാക്കിയ രോഹിത്തിനെ വിമര്‍ശിക്കാന്‍ എന്തവകാശമാണ് കോണ്‍ഗ്രസിനുള്ളതെന്നും ബിജെപി വക്താവ് ചോദിച്ചു. സോഷ്യല്‍ മീഡിയയിലും ഷമയ്ക്കെതിരെ വിമര്‍ശനങ്ങള്‍ ഉയര്‍ന്നിരുന്നു. ഇതേ തുടര്‍ന്നാണ് ഷമാ മുഹമ്മദ് എക്‌സ് പോസ്റ്റ് പിന്‍വലിച്ചത്. എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ എക്‌സ്‌പോസ്റ്റിനെ കുറിച്ചു വിശദീകരണം ചോദിച്ചിട്ടുണ്ടെന്ന വിവരമുണ്ട്. ഷമാ മുഹമ്മദിന്റെ വിവാദ പോസ്റ്റില്‍ കണ്ണൂര്‍ ഡി.സി.സി നേതൃത്വത്തിനും അതൃപ്തിയുണ്ട്.

മറ്റു താരങ്ങളുമായി രോഹിത് ശർമ്മയെ താരതമ്യപ്പെടുത്തുക മാത്രമാണ് ചെയ്തതെന്ന് ഷമ വിശദീകരിച്ചെങ്കിലും വിവാദം അവസാനിച്ചില്ല. പിന്നാലെയാണ് കോൺ​​ഗ്രസ് നേതൃത്ത്വം ഇടപെട്ടത്. പരാമർശം പിൻവലിക്കാനാവശ്യപ്പെട്ടെന്നും, ഷമ പറഞ്ഞത് പാർട്ടി നിലപാടല്ലെന്നും പവൻ ഖേര വ്യക്തമാക്കി. ഷമയോട് ജാ​ഗ്രത പാലിക്കണമെന്ന് നിർദേശിച്ചെന്നും, താരങ്ങളുടെ മഹത്തായ സംഭാവനകളെ കോൺ​ഗ്രസ് മാനിക്കുന്നുണ്ടെന്നും പവൻ ഖേര പ്രസ്താവനയിലൂടെ അറിയിച്ചു.

അതേസമയം രോഹിത് ശർമ്മയെ പറ്റിയുള്ള പ്രസ്താവന പിൻവലിച്ചെങ്കിലും മാപ്പ് പറയാൻ തയറല്ലെന് ഷമ മുഹമ്മദ് ഇന്ന് വ്യക്തമാക്കി .താൻ പറഞ്ഞത് വ്യക്തിപരമായ അഭിപ്രായമാണ്. കോൺഗ്രസ് പാർട്ടിയെ ഇതിലേക്ക് വലിച്ചിഴയ്ക്കണ്ട. ട്വീറ്റ് പിന്‍വലിക്കാനുള്ള പാർട്ടി നിർദേശം അനുസരിക്കുന്നു, മറ്റൊരു പ്രശ്നവും ഇല്ല.ഒരു കായികതാരം എന്ന നിലയിൽ രോഹിത് ഒരു റോൾ മോഡൽ ആണ്.ആ പശ്ചാത്തലത്തിൽ ആണ് അദ്ദേഹത്തെ വിമർശിച്ചത്.അമിത വണ്ണത്തിന് എതിരെ പ്രധാനമന്ത്രി തന്നെ ക്യാംപെയിൻ നടത്തുന്നുണ്ട് എന്നും ഷമ മുഹമ്മദ് പറഞ്ഞു.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ശ്രീരാമനെ അപമാനിച്ചു; ജബൽപൂരിൽ സ്കൂൾ തകർത്തു ഹിന്ദു സംഘടന.

ശ്രീരാമനെ സ്കൂൾ പ്രിൻസിപൽ അപമാനിച്ചു എന്നാരോപിച്ചു മധ്യപ്രദേശിലെ ജബല്പൂരിലെ ജോയ് സ്കൂൾ...

കക്കാടംപൊയിലിൽ 40 കുപ്പി വിദേശമദ്യവുമായി ഒരാൾ എക്സൈസിന്റെ പിടിയിൽ.

40 കുപ്പി വിദേശമദ്യവുമായി ഒരാൾ എക്സൈസിന്റെ പിടിയിലായി. കക്കാടം പൊയിൽ സ്വദേശി...

രോഗശയ്യയിലും നാടിൻ്റെ പ്രശ്നങ്ങൾ അവതരിപ്പിച്ച് പത്മശ്രി കെ വി റാബിയ

കോട്ടക്കൽ: രോഗശയ്യയിൽ കോട്ടക്കലിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന അക്ഷരപുത്രി പത്മശ്രീ...

നിലമ്പൂരിൽ എം സ്വരാജ് ഇല്ല. പകരം ഇടതിന്റെ പ്രമുഖ നേതാവ്?

ഇടതിന്റെ വീറും ആവേശവും കാത്തിരിക്കുന്ന പോരാട്ട ഭൂമിക. വെട്ടിപ്പിടിച്ചതെല്ലാം സ്വന്തം വോട്ടുകൾ...