വഖഫ് ഭേദഗതി നിയമത്തിനെതിരെ നിയമപോരാട്ടത്തോനൊരുങ്ങി മുസ്ലിം ലീഗ്. രാജ്യസഭാ എം പി ആയ ഹാരിസ് ബീരാൻ മുഖേന പി കെ കുഞ്ഞാലിക്കുട്ടിയാണ് സുപ്രീം കോടതിയിൽ ഹർജി സമർപ്പിക്കുക. ഇരു സഭകളിലും അംഗീകാരം നേടി ബിൽ പാസ്സായതോടെ ആം ആദ്മി, കോൺഗ്രസ് ഉൾപ്പടെയുള്ള പ്രതിപക്ഷ പാർട്ടികൾ പ്രതിഷേധിക്കുകയും സുപ്രീം കോടതിയെ സമീപിക്കുകയും ചെയ്തിരുന്നു. രാജ്യത്തെ പ്രധാന സർവകലാശാലകളിലും കോളേജുകളിലും വഖഫ് നിയമ ഭേദഗതിക്കെതിരെ പ്രതിഷേധം ഉയരുകയാണ്. ഡൽഹിയിൽ ജെ എൻ യുവിലും ജാമിയ മില്ലിയയിലും ഇന്നലെ നിയമത്തിനെതിരെ വിദ്യാർത്ഥി സംഘടനകൾ പ്രക്ഷോഭം നടത്തിയിരുന്നു.
232ന് എതിരെ 288 വോട്ടുകൾ നേടിയാണ് ഭേദഗതി ബിൽ ലോക്സഭയിൽ പാസായത്. രാജ്യസഭയിൽ 95ന് എതിരെ 128 വോട്ടോടെ ബിൽ പാസ്സായി. ഇരു സഭകളിലും പ്രതിപക്ഷ എം പി മാർ മുന്നോട് വെച്ച ഭേദഗതി നിർദേശങ്ങൾ ശബ്ദവോട്ടൊടെ തള്ളിക്കളഞ്ഞുകൊണ്ട് പാസ് ആക്കുകയായിരുന്നു. നിയമത്തിനെതിരെയുള്ള എല്ലാ ഹർജികളും സുപ്രീം കോടതി ഒന്നിച്ചായിരിക്കും പരിഗണിക്കുക.
