മാളികപ്പുറം തിരക്കഥാകൃത്ത് അഭിലാഷ് പിള്ളയുടെ ഫേസ്ബുക്ക് പോസ്റ്റ് സമൂഹമാധ്യമങ്ങളിൽ വൈറലാകുന്നു. തൃശ്ശൂരിൽ വച്ച് നടന്ന ഒരു പരിപാടിയിൽ സ്പെഷ്യൽ സ്കൂളിലെ കുട്ടികളുടെ നൃത്ത പരിപാടി കണ്ട് അവരെ കൂടെ നിർത്തിയാണ് അഭിലാഷ് തന്റെ സന്തോഷവും സ്നേഹവും എല്ലാം പങ്കുവെച്ചത്.തന്റെ ഒരു സിനിമയിലൂടെ ഈ കുട്ടികളുടെ കഴിവ് ലോകത്തിനു മുന്നിൽ എത്തിക്കും എന്ന് പറഞ്ഞാണ് അദ്ദേഹം തന്റെ വാക്കുകൾ അവസാനിപ്പിച്ചത്.
ഈ കുട്ടികൾ ശരിക്കും എന്നെ അതിശയിപ്പിച്ചു അത്രക്കും മികച്ച പ്രകടനമാണ് ശാരീരിക വൈകല്യങ്ങൾക്ക് മുന്നിൽ തോറ്റു കൊടുക്കാതെ അവർ കാഴ്ച വെച്ചത്. അവരുടെ മുഖത്തെ സന്തോഷം ആത്മവിശ്വാസം സ്നേഹം അതിനു മുന്നിൽ മറ്റൊന്നിനും അവരെ തോൽപ്പിക്കാൻ കഴിയില്ലാരുന്നു… ഒരു വാക്ക് ഞാൻ ആ കുട്ടികൾക്ക് കൊടുത്തു എന്റെ സിനിമകളിൽ ഏതെങ്കിലും ഒന്നിലൂടെ ലോകം നിങ്ങളുടെ കഴിവ് ഇനിയും കാണുമെന്ന്. ആ ദിവസത്തിനായി കാത്തിരിക്കുന്നു എന്നാണ് അഭിലാഷ് തന്റെ സമൂഹമാധ്യമ അക്കൗണ്ടുകളിൽ കുറിച്ചിരിക്കുന്നത്. കൂടെ ഒരു വീഡിയോയും അദ്ദേഹം പങ്കുവെച്ചിട്ടുണ്ട്
![](https://depc09ab35j69.cloudfront.net/wp-content/uploads/2023/11/fe777dce-f029-478f-b918-010f3b6c1ad9-1.jpg)