‘ആ തീരുമാനം തെറ്റായിരുന്നു’; വിരമിച്ചതിന് പിന്നാലെ തെറ്റ് ഏറ്റുപറച്ചിൽ അമ്പയർ മറൈസ്​ എറാസ്​മസ്

അന്ന് ലോകകപ്പ് ഫൈനലിൽ ന്യൂസിലാൻഡിനോട് ചെയ്തത് തെറ്റാണെന്ന് തുറന്നുപറയാൻ ഐ.സി.സി അമ്പയർ മറൈസ്​ എറാസ്​മസിന് വിരമിക്കേണ്ടി വന്നു. 2019 ലോകകപ്പ് കിവികളിൽ നിന്നും തട്ടിയെടുത്തത് അമ്പയർമാരുടെ തെറ്റായ തീരുമാനമായിരുന്നു. ലോകകപ്പ് കലാശപ്പോരിലെ അവസാന ഓവർ. മൂന്നുപന്തിൽ നിന്നും ഇംഗ്ലണ്ടിന് വിജയിക്കാൻ വേണ്ടത് 9 റൺസ്​. ഇംഗ്ലീഷ് ബാറ്റർ ബെൻസ്​ സ്​റ്റോക്സ്​ രണ്ടാം റണ്ണിനായി ഓടവേയാണ് അത് സംഭവിച്ചത്. ന്യൂസിലാൻഡ് ഫീൽഡർ മാർട്ടിൻ ഗപ്റ്റിൽ എറിഞ്ഞ പന്ത് ബെൻ സ്​റ്റോക്സിന്റെ ബാറ്റിൽ തട്ടിബൗണ്ടറിയിലേക്ക്. ബൗണ്ടറിയും ഓടിയെടുത്ത രണ്ട് റൺസും സഹിതം അമ്പയർമാർ ഇംഗ്ലണ്ടിന് അനുകൂലമായി നൽകിയത് 6 റൺസ്​. ഈ ലോകം തങ്ങൾക്കെതിരെയാണെന്ന് ന്യൂസിലാൻഡ് ആരാധകർക്ക് തോന്നിയ നിമിഷം. അതോടെ ഇംഗ്ളണ്ടിെൻറ വിജയലക്ഷ്യം രണ്ട് പന്തിൽ വെറും 3റൺസായി ചുരുങ്ങി.