ഈസ്റ്റർ ദിനത്തിൽ മണിപ്പൂരിലെ സർക്കാർ സ്ഥാപനങ്ങൾ അവധി നിഷേധിച്ച് ഗവർണർ. മാർച്ച് 30 നും ഈസ്റ്റർ ദിനമായ 31 ഞായറാഴ്ചയും സർക്കാർ സ്ഥാപനങ്ങൾ പ്രവർത്തിക്കണമെന്നാണ് മണിപ്പൂർ ഗവർണർ അനുസൂയ യു.കെ പുറത്തിറക്കിയ ഉത്തരവിലുള്ളത്. ഉത്തരവിനെതിരെ കുക്കി സംഘടനകൾ രംഗത്തെത്തി.
അവധി നിഷേധിച്ചതിൽ പ്രതിഷേധവുമായി വിവിധ സംഘടനകളും രംഗത്തെത്തി. ഉത്തരവ് ഉടൻ പിൻവലിക്കണമെന്ന് യുണൈറ്റഡ് ക്രിസ്ത്യൻ ഫോറം ആവശ്യപ്പെട്ടു. ദീപാവലി ദിനത്തിൽ ഹിന്ദുക്കളോട് ജോലി ചെയ്യാൻ നിർദേശിക്കു‍ന്ന പോലെയുള്ള ഉത്തരവെന്ന് യു.സി.എഫ് കോ ഓർഡിനേറ്റർ എ.സി മൈക്കിൾ പറഞ്ഞു.
