ആലപ്പുഴ : അമ്പലപ്പുഴ താലൂക്ക് സപ്ലൈ ഓഫീസിലെ റേഷനിംഗ് ഇന്‍സ്‌പെക്ടര്‍ പീറ്റര്‍ ചാള്‍സിന്റെ പക്കല്‍ നിന്ന് മാസപ്പടി ലിസ്റ്റ് വിജിലന്‍സ് സംഘം കണ്ടെത്തി. ഇയാൾ കൈക്കൂലിക്കേസില്‍ കഴിഞ്ഞ ദിവസമാണ് വിജിലന്‍സിന്റെ പിടിയിലായത്.. പീറ്റര്‍ ചാള്‍സിന്റെ ചുമതലയിലുള്ള കടകളുടെ എ.ആര്‍.ഡി നമ്പര്‍, കടയുടമയുടെ ഫോണ്‍ നമ്പര്‍, മാസപ്പടി എന്നിവ രേഖപ്പെടുത്തിയ ലിസ്റ്റാണ് വിജിലന്‍സിന് ലഭിച്ചത്. മാസപ്പടി കൈപ്പറ്റിയ കടകളുടെ എ.ആര്‍.ഡി നമ്പരിന് നേരെ ടിക്ക്‌ചെയ്യും. കടയൊന്നിന് 1500 ആണ് കണക്ക്.ലിസ്റ്റിലെ ആദ്യപേരുകാരനായ കടയുടമയില്‍ നിന്ന് പണം കൈപ്പറ്റുന്നതിനിടയിലാണ് കഴിഞ്ഞദിവസം പീറ്റര്‍ വിജിലന്‍സിന്റെ പിടിയിലായത്. റേഷന്‍ കടയിലെ അപാകതകള്‍ റിപ്പോര്‍ട്ട് ചെയ്യാതിരിക്കാനാണ് കടയുടമകളില്‍ നിന്ന് കൈക്കൂലി വാങ്ങിയിരുന്നത്. ഈ പോസ് നിലവില്‍ വന്നശേഷം റേഷന്‍ കടകളില്‍ നിന്ന് സാധനങ്ങള്‍ മറിച്ചുവില്‍ക്കുന്നത് കുറഞ്ഞിരുന്നു. ഇത് കാരണം ഉദ്യോഗസ്ഥര്‍ക്ക് കൈമടക്ക് നല്‍കാന്‍ പലരും തയ്യാറല്ല. കടയിലെ സ്റ്റോക്കിലുണ്ടാകുന്ന ചെറിയ വ്യത്യാസങ്ങളുടെ പേരില്‍ കടയുടമകളെ വിരട്ടിയാണ് പീറ്റര്‍ പണം വാങ്ങിയിരുന്നത്. ഇത്തരത്തില്‍ റേഷന്‍ കടയുടമയുമായി കൈക്കൂലിക്കായി നടത്തിയ വിലപേശലാണ് കാര്യങ്ങള്‍ വിജിലന്‍സിന് മുന്നിലെത്തിച്ചത്.
More like thisRelated
ഒറ്റ തെരഞ്ഞെടുപ്പ് പാർലമെന്‍ററി ജനാധിപത്യത്തെ അട്ടിമറിക്കാൻ വിമർശനവുമായി ഐ.എൻ.എൽ
കോഴിക്കോട്: ‘ഒരു രാജ്യം ഒരു തെരഞ്ഞെടുപ്പ് ’ എന്ന ആർ.എസ്.എസ് അജണ്ട...
സി.പി.എം ഐ.എസിനേക്കാൾ വലിയ ഭീകരസംഘടന -കെ.എം. ഷാജി
തിരുവനന്തപുരം: ഐ.എസ്.ഐ.എസിനേക്കാൾ വലിയ ഭീകരസംഘടനയാണ് കണ്ണൂരിൽ പി.ജയരാജൻ നേതൃത്വം നൽകിയിരുന്ന സി.പി.എം...
പി. ജയരാജനും ടി.വി രാജേഷും വിചാരണ നേരിടാൻ പോവുന്നു -വി.ടി. ബൽറാം
പാലക്കാട്: മുസ്‍ലിം ലീഗ് പ്രവർത്തകൻ അരിയിൽ ഷൂക്കൂറിനെ കൊലപ്പെടുത്തിയ കേസിൽ സി.പി.എം...
ഓണ വിപണിയിലെ പരിശോധനകൾ; ഗുരുതരവീഴ്ചകൾ കണ്ടെത്തിയ 108 സ്ഥാപനങ്ങളുടെ പ്രവർത്തനം നിർത്തിവയ്പ്പിച്ചു
തിരുവനന്തപുരം : ഓണക്കാലത്ത് വിതരണം ചെയ്യുന്ന ഭക്ഷ്യ വസ്തുക്കളുടെ ഗുണനിലവാരവും സുരക്ഷയും...