ഹൈദരലി തങ്ങളുണ്ടായിരുന്നെങ്കിൽ ലീഗിന് ഈ ഗതി വരില്ലായിരുന്നു: തങ്ങളുടെ ഖബറിടം സന്ദർശിച്ച് കെ.എസ് ഹംസ

മലപ്പുറം: കളക്ട്രേറ്റിൽ നാമനിർദേശ പത്രിക സമർപ്പിക്കുന്നതിന് മുന്നോടിയായാണ് പൊന്നാനി ലോക്സഭാ മണ്ഡലം എൽഡിഎഫ് സ്ഥാനാർഥി കെ എസ് ഹംസ പാണക്കാട് ജുമാ മസ്ജിദിലെ ഹൈദരലി ശിഹാബ് തങ്ങളുടെ ഖബറിടത്തിലെത്തി പ്രാർഥന നടത്തിയത്. ഹൈദരലി തങ്ങൾ ജീവിച്ചിരിപ്പുണ്ടായിരുന്നെങ്കിൽ മുസ്‌ലിം ലീഗ് ഇന്നത്തെ രീതിയിൽ അധ:പതിക്കില്ലായിരുന്നുവെന്ന് ഖബർ സന്ദർശനത്തിന് ശേഷം കെ.എസ് ഹംസ പ്രതികരിച്ചു.ഖബർ സന്ദർശനം തികച്ചും വ്യക്തിപരമായാണ് ഹൈദരലി തങ്ങളുമായി നല്ല ആത്മബന്ധമായിരുന്നു. അതിനാലാണ് അദ്ദേഹത്തിന്റെ ഖബറിടം സന്ദർശിച്ചതെന്നും, ഇക്കാര്യത്തിൽ രാഷ്ട്രീയമില്ലെന്നും ഹംസ പറഞ്ഞു. പാണക്കാട് നിന്നും മടങ്ങിയ കെ എസ് ഹംസ പിന്നീട് മലപ്പുറം കളക്ട്രേറ്റിൽ എത്തി നാമനിര്‍ദേശ പത്രിക സമര്‍പ്പിച്ചു. എ.ഡി.എം കെ. മണികണ്ഠന്‍ മുമ്പാകെയാണ് പത്രിക നല്‍കിയത്. മൂന്നു സെറ്റ് പത്രികയാണ് സമര്‍പ്പിച്ചത്..