ഇൻസ്റ്റാഗ്രാം വഴി പരിചയപ്പെട്ട 15 വയസ്സുള്ള പെൺകുട്ടിയിൽനിന്ന് 15 ലക്ഷം രൂപ വിലമതിക്കുന്ന സ്വർണം തട്ടിയെടുത്ത യുവാവിനെ പോലീസ് അറസ്റ്റ് ചെയ്തു. ചാപ്പനങ്ങാടി ചെക്കതു നബീറിനെയാണ് പോലീസ് അറസ്റ്റ് ചെയ്തത്. പെൺകുട്ടിയിൽ നിന്നും ഇയാൾ 24 പവൻ സ്വർണമാണ് തട്ടിയെടുത്തത്. ചേട്ടന്റെ ഭാര്യയുടെ സ്വർണഭാരങ്ങളാണ് പെൺകുട്ടി യുവാവിന് നൽകിയത്. ആഭരണങ്ങൾ കാണാനില്ലെന്ന് കുടുംബം പൊലീസിന് നൽകിയ പരാതിയിന്മേലുള്ള അന്വേഷണത്തിലാണ് ഈ വിവരം പുറത്തു വന്നത്.
ഇൻസ്‌പെക്ടർ വിനോദ് വലിയാറ്റൂരിന്റെ നേതൃത്വത്തിൽ എസ് ഐ സൈഫുള്ളയാണ് ഇയാളെ അറസ്റ്റ് ചെയ്തത്.
