തിരുവനന്തപുരം: യൂണിവേഴ്സിറ്റി വനിതാ ഹോസ്റ്റലിൽ മോശം ഭക്ഷണം നൽകിയ സംഭവത്തിൽ ഹോസ്റ്റൽ വാർഡൻ ഉൾപ്പെടെയുള്ളവരോട് വിശദീകരണം തേടുമെന്ന് സർവ്വകലാശാല രജിസ്ട്രാർ . മറുപടി തൃപ്തികരമല്ലെങ്കിൽ നടപടി എടുക്കുമെന്ന് വിദ്യാർത്ഥികൾക്ക് രജിസ്ട്രാർ ഉറപ്പ് നൽകി.
സർവ്വകലാശാല രജിസ്ട്രാർ വിദ്യാർത്ഥികളുമായി ചർച്ച നടത്തിയിരുന്നു. ഒരു മാസത്തിനുള്ളിൽ വിദ്യാർത്ഥികൾ ഉന്നയിച്ച പരാതികൾ പരിഹരിക്കുമെന്ന് രജിസ്ട്രാർ വ്യക്തമാക്കി. വാർഡനെ ഒഴിവാക്കിയാണ് ചർച്ച നടത്തിയത്. ഹോസ്റ്റൽ ഭക്ഷണത്തിൽ പുഴുവും, ബാൻഡ് എയിഡും കണ്ടെത്തിയത് ട്വന്റിഫോർ വാർത്തയാക്കിയിരുന്നു. വാർത്തയ്ക്കു പിന്നാലെയാണ് രജിസ്ട്രാർ ഇടപെട്ടത്.
