തേഞ്ഞിപ്പലം : അടിപിടി കേസിലെ പ്രതി 13 വര്‍ഷത്തിന് ശേഷം അറസ്റ്റില്‍. ചേളാരി ആലുങ്ങലിലെ വീട്ടില്‍ അടിപിടിയുണ്ടാക്കിയ കേസില്‍ പ്രതിയായ താനൂര്‍ ചിറക്കല്‍ സ്വദേശി മൂത്തേടത്ത് ബിനീഷിനെയാണ് തേഞ്ഞിപ്പലം പോലീസ് അറസ്റ്റ് ചെയ്തത്. സംഭവത്തിന് ശേഷം വിദേശത്തേക്ക് കടന്ന ബിനീഷ് നാട്ടിലേക്ക് തിരിച്ചെത്തിയതോടെ കരിപ്പൂര്‍ വിമാനത്താവളത്തില്‍ പിടിയിലാകുകയായിരുന്നു.
കേസില്‍ പ്രതിയായതിന് ശേഷം ഇടക്ക് നാട്ടില്‍ വന്നു പോയ പ്രതിക്കായി പൊലീസ് ലുക്ക് ഔട്ട് നോട്ടിസ് പുറത്തിറക്കിയിരുന്നു. ഇതുപ്രകാരം വിമാനത്താവളത്തില്‍നിന്ന് പ്രതി തിരിച്ചറിഞ്ഞ് പിടികൂടി തേഞ്ഞിപ്പലം പൊലീസിന് കൈമാറുകയായിരുന്നു. കേസില്‍ ബിനീഷ് ഒഴികെ മറ്റെല്ലാ പ്രതികളും അറസ്റ്റിലായിരുന്നു. എസ്.ഐ. പ്രഭാകരന്‍, സീനിയര്‍ സിവില്‍ പൊലീസ് ഓഫിസര്‍ മുഹമ്മദ് അജ്‌നാസ്, സിവില്‍ പൊലീസ് ഓഫിസര്‍മാരായ അജയ്, ജാബിര്‍ എന്നിവരുടെ നേതൃത്വത്തിലായിരുന്നു അറസ്റ്റ്.#crime
