കോഴിക്കോട്: സ്വകാര്യ ബസില്‍ നിന്ന് തെറിച്ച് വീണ് സ്‌കൂള്‍ വിദ്യാര്‍ഥിക്ക് പരിക്കേറ്റ സംഭവത്തില്‍ ബസ് ജീവനക്കാരുടെ ലൈസന്‍സ് മോട്ടോർ വാഹന വകുപ്പ് സസ്‌പെന്‍ഡ് ചെയ്തു. ബാലുശ്ശേരി, നരിക്കുനി മെഡിക്കല്‍ കോളജ് റൂട്ടില്‍ ഓടുന്ന നൂറാ ബസ്സിലെ ഡ്രൈവറായ കുന്ദമംഗലം സ്വദേശി എം.പി മുഹമ്മദ്, കണ്ടക്ടര്‍ കുട്ടമ്പൂര്‍ സ്വദേശി യു.കെ അബ്ബാസ് എന്നിവരുടെ ലൈസന്‍സാണ് ഒരു മാസത്തേക്ക് സസ്‌പെന്‍ഡ് ചെയ്തത്. കഴിഞ്ഞ ദിവസം രാവിലെ ബാലുശ്ശേരിയില്‍ നിന്ന് മെഡിക്കല്‍ കോളജിലേക്ക് സര്‍വ്വീസ് നടത്തിയ ബസ് പുന്നശ്ശേരിയില്‍ നിര്‍ത്തിയപ്പോഴാണ് വിദ്യാര്‍ഥിക്ക് ബസില്‍ നിന്ന് വീണ് അപകടമുണ്ടായത്. സംഭവം ശ്രദ്ധയില്‍പ്പെട്ടിട്ടും ബസ് നിര്‍ത്താതെ പോയെന്നാണ് ദൃസാക്ഷികളുടെ മൊഴി. തുടര്‍ന്ന് വിദ്യാര്‍ഥികള്‍ നല്‍കിയ പരാതിയുടെ അടിസ്ഥാനത്തില്‍ മോട്ടോര്‍ വാഹന വകുപ്പ് ബസ് ജീവനക്കാര്‍ക്ക് നേരെ നടപടിയെടുക്കുകയായിരുന്നു. സസ്‌പെന്‍ഷന് പുറമെ ബസ് ജീവനക്കാരോട് മൂന്ന് ദിവസം എടപ്പാളിലെ മോട്ടോര്‍ വാഹന വകുപ്പ് ഐ.ഡി.ടി.ആറില്‍ ക്ലാസില്‍ പങ്കെടുക്കാനും ജോയിന്റ് ആര്‍.ടി.ഒ നിര്‍ദേശിച്ചിട്ടുണ്ട്.
More like thisRelated
ലോക മത്സ്യത്തൊഴിലാളി ദിന പരിപാടി ചാണക്യപുരിയിൽ
ന്യൂഡൽഹിയിലെ ചാണക്യപുരിയിൽ നടന്ന ഇന്ത്യാ ഗവൺമെൻ്റിൻ്റെ ലോക മത്സ്യത്തൊഴിലാളി ദിന പരിപാടിയിൽ...
വഖഫ് ഭൂമി കൈവശം വെച്ചാൽ കുറ്റകരമാകുന്ന നിയമത്തിന് മുൻകാല പ്രാബല്യമില്ലെന്ന് കേരള ഹൈക്കോടതി
കൊച്ചി : വഖഫ് ഭൂമി കൈവശം വെക്കുന്നത് കുറ്റകരമാകുന്ന നിയമ...
ബിരിയാണി ചലഞ്ച്; ഒന്നേകാല്‍ ലക്ഷം തട്ടി സിപിഎം പ്രവര്‍ത്തകര്‍
ആലപ്പുഴ: മുണ്ടക്കൈ- ചൂരല്‍മല ഉരുള്‍പ്പൊട്ടല്‍ ദുരന്തബാധിതരെ സഹായിക്കാനായി നടത്തിയ ബിരിയാണി ചലഞ്ചില്‍...
ചേലക്കരയിൽ നിന്നും 25 ലക്ഷം രൂപ പിടികൂടി
ചേലക്കര: ഉപതെരഞ്ഞെടുപ്പ് നടക്കുന്ന ചേലക്കര മണ്ഡലത്തിന്റെ അതിർത്തി പ്രദേശത്ത് നിന്നും 25...