കൊല്ലം പുതിയകാവ് ക്ഷേത്രത്തിലെ പൂരത്തിൽ കുടമാറ്റത്തിനിടെ നവോഥാന നായകർക്കൊപ്പം ആർ എസ് എസ് നേതാവായ ഹെഡ്ഗേവാറിന്റെ ചിത്രം ഉൾപ്പെടുത്തിയത് വിവാദത്തിൽ. ശ്രീനാരായണ ഗുരു, വിവേകാനന്ദൻ, ബി ആർ അംബേദ്‌കർ എന്നിവരുടെ ചിത്രത്തിന്റെ ഒപ്പമായിരുന്നു ഹെഡ്ഗേവാർ ചിത്രവും ഇടംപിടിച്ചത്. സച്ചിൻ ടെൻഡുൽക്കർ, ശിവജി എന്നിവരുടെ ചിത്രവും കുടമാറ്റത്തിൽ ഇടം പിടിച്ചിരുന്നു.
ഇതിനെതിരെ യൂത്ത് കോൺഗ്രസ് സംസ്ഥാന വൈസ് പ്രസിഡൻ്റ് വിഷ്ണു സുനിൽ പന്തളം സിറ്റി പൊലീസ് കമ്മീഷണർക്ക് പരാതി നൽകി. ക്ഷേത്രത്തിലെ ആചാരചടങ്ങുകൾക്കിടെ രാഷ്ട്രീയ ചിഹ്നങ്ങൾ ഉപയോഗിക്കരുതെന്ന ഹൈക്കോടതി വിധിയുടെ ലംഘനമാണ് ഉണ്ടായിരിക്കുന്നതെന്നാണ് ആരോപണം ഉയർന്നിരിക്കുന്നത്.
