കരിക്കോട്ടക്കരിയിൽ നിന്നും മയക്കുവെടി വെച്ച് പിടികൂടിയ ആന ചെരിഞ്ഞു.

കണ്ണൂർ കരിക്കോട്ടക്കരിയിൽ ജനവാസ മേഖലയിൽ നിന്നും മയക്കുവെടി വെച്ചുപിടികൂടിയ കുട്ടിയാന ചെരിഞ്ഞു. ആനയുടെ കാലിനും താടിയെല്ലിനും ഗുരുതരമായ പരിക്ക് പറ്റിയിട്ടുണ്ടായിരുന്നു. മയക്കുവെടി വെച്ച ആനയ്ക്ക് ആറളത്തുവെച്ചു പ്രാഥമിക ചികിത്സ നൽകിയിരുന്നു. ആറളം ആർ ആർ ടി ഓഫീസിൽ വെച്ച് ഇന്നലെ രാത്രിയാണ് ആന ചെരിഞ്ഞത്. ആറളം ഫെർമിൽ കാട്ടാനക്കൂട്ടത്തിൽ നിന്നും വഴിതെറ്റിയ കുട്ടിയാന ജനവാസ മേഖലയിൽ എത്തുകയും ഒരു സ്വകാര്യ വ്യക്തിയുടെ പുരയിടത്തിൽ നിലയുറപ്പിക്കുകയുമായിരുന്നു. ഗുരുതരമായ പരിക്കുകളോടെയാണ് ആനയെ കാണപ്പെട്ടത്. താടിയെല്ലിന്റെ ഭാഗത്തുനിനിന്നു മാംസം അടർന്നു തൂങ്ങിയിരുന്നു. ആനയെ മയക്കുവെടി വെച്ച് റെസ്ക്യൂ ആംബുലൻസിൽ കയറ്റുന്നതിനിടെ അവശനായി ബോധംകെട്ടു വീഴുകയും ചെയ്തു.