ചൈനയിൽ നിന്നും പുതിയൊരു AI ചാറ്റ് ബോട്ട്. അറിയാം കൂടുതൽ വിവരങ്ങൾ.

എഐ കിടമത്സരത്തില്‍ ഡീപ്‌സീക്കിന് ചൈനയില്‍ നിന്നുതന്നെ എതിരാളി. ചൈനീസ് ടെക് ഭീമന്‍മാരായ ആലിബാബ പുതിയ എഐ ചാറ്റ്‌ബോട്ട് അവതരിപ്പിച്ചിരിക്കുകയാണ്. ‘Qwen 2.5-Max’ എന്ന് പേരുള്ള ആര്‍ട്ടിഫിഷ്യല്‍ ഇന്‍റലിജന്‍സ് ലാര്‍ജ് ലാംഗ്വേജ് മോഡലാണ് ആലിബാബ പുറത്തിറക്കിയത്. പ്രകടനമികവില്‍ Qwen 2.5-Max, ഡീപ്സീക്കിന്‍റെയും ചാറ്റ്‌ജിപിടിയുടെയും ലാര്‍ജ് ലാംഗ്വേജ് മോഡലുകളെ മറികടക്കുമെന്ന് ആലിബാബ അവകാശപ്പെട്ടു. ആര്‍ട്ടിഫിഷ്യല്‍ ഇന്‍റലിജന്‍സ് രംഗത്ത് ചൈനീസ് സ്റ്റാര്‍ട്ടപ്പായ ഡീപ്സീക്ക് വലിയ തരംഗമായിരിക്കുന്നതിനിടെയാണ് ചൈനയില്‍ നിന്ന് അടുത്ത എഐ മോഡലിന്‍റെ വരവ്. ആലിബാബ അവതരിപ്പിച്ച Qwen 2.5-Max എന്ന ചാറ്റ്‌ബോട്ടിന് ഓപ്പണ്‍ എഐയുടെ ചാറ്റ് ജിപിടി-4oയെയും ഡീപ്‌സീക്ക്-വി3യെയും മറികടക്കാനാവുമെന്ന് ആലിബാബയുടെ ക്ലൗ‍ഡ് ഡിവിഷന്‍ ഔദ്യോഗിക വീചാറ്റ് അക്കൗണ്ടില്‍ അവകാശപ്പെട്ടു.