സംസ്ഥാനത്ത് പലയിടത്തും എസ് ഡി പി ഐ പ്രവർത്തരുടെ വീടുകളിൽ എൻ ഐ എ യുടെ റെയ്ഡ്. മലപ്പുറം മഞ്ചേരിയിൽ അഞ്ചിടങ്ങളിൽ റെയ്ഡ് നടന്നു. റെയ്‌ഡിന്‌ പിന്നാലെ നാലു പേരെ അറസ്റ്റ് ചെയ്തിട്ടുണ്ട്. എസ് ഡി പി ഐ പ്രവര്‍ത്തകരായ ശിഹാബ്, സൈദലവി, ഖാലിദ്, ഷംനാദ് എന്നിവരെയാണ് കസ്റ്റഡിയിലെടുത്തത്. പുലർച്ചെ 3 മണിയോടെ ആയിരുന്നു റെയ്ഡ് നടന്നത്.
കൊച്ചി എന്‍ ഐ എ യൂണിറ്റാണ് റെയ്ഡ് നടത്തിയത്. സാധാരണ പ്രവര്‍ത്തകരുടെ വീട്ടിലാണ് റെയ്ഡ് നടത്തിയത്. ഭാരവാഹിത്വം വഹിക്കുന്നവരെയല്ല കസ്റ്റഡിയില്‍ എടുത്തിരിക്കുന്നത്. ഒരു കേസുമായി ബന്ധപ്പെട്ട കാര്യത്തിന് കസ്റ്റഡിയില്‍ എടുക്കുന്നുവെന്നാണ് ഉദ്യോഗസ്ഥര്‍ അറിയിച്ചിരിക്കുന്നത്. കേസുമായി ബന്ധമില്ലെന്ന് കണ്ടെത്തിയാല്‍ കസ്റ്റഡിയിലെടുത്തവരെ വിട്ടയക്കുമെന്നും ഉദ്യോഗസ്ഥര്‍ വ്യക്തമാക്കി.
