നിതീഷ് കുമാർ ജെ.ഡി.യു അധ്യക്ഷ സ്ഥാനത്തേക്ക്

പട്ന: ബിഹാർ മുഖ്യമന്ത്രി നിതീഷ് കുമാർ ജനതാ ദൾ യുനൈറ്റഡ് അധ്യക്ഷനായി തെരഞ്ഞെടുക്കപ്പെട്ടു. കഴിഞ്ഞ ദിവസം ന്യൂഡൽഹിയിൽ വെച്ച് നടന്ന പാർട്ടിയുടെ ദേശീയ എക്സിത്യൂട്ടീവ് യോ​ഗത്തിലായിരുന്നു തീരുമാനം. പ്രതിപക്ഷ പാർട്ടികളുടെ ഐക്യത്തിനും ജാതി സെൻസസ് വിഷയത്തിന് നേതൃത്വം നൽകിയതും കണക്കിലെടുത്താണ് നടപടി.

എം.പിയും മുൻ ജെ.ഡി.യു അധ്യക്ഷനുമായ രാജീവ് രഞ്ജൻ സിങ് (ലാലൻ സിങ് ) സ്ഥാനം ഒഴിഞ്ഞതിന് പിന്നാലെയാണ് പുതിയ അധ്യക്ഷനെ പാർട്ടി തെരഞ്ഞെടുത്തത്. ദേശീയ യോ​ഗത്തിൽ നടത്തിയ പ്രസം​ഗത്തിനിടെയായിരുന്നു ലാലൻ സിങ് അധ്യക്ഷ സ്ഥാനം ഒഴിയുകയാണെന്ന് വ്യക്തമാക്കിയത്. 2016ൽ നിതീഷ് കുമാർ ശരദ് യാദവിനെ പകരമായി പാർട്ടിയുടെ അധ്യക്ഷ സ്ഥാനം ഏറ്റെടുത്തിരുന്നു. 2020ൽ സ്ഥാനമൊഴിഞ്ഞു. കഴിഞ്ഞ വർഷം പാർട്ടി വിട്ട മുൻ കേന്ദ്രമന്ത്രി ആർ.സി.പി സിങ് ആയിരുന്നു 2020ൽ ജെ.ഡി.യുവിന്റെ ദേശീയ അധ്യക്ഷൻ.

പാർട്ടിയുടെയും രാജ്യത്തിന്റേയും ഏകക്ണഠമായ ആവശ്യത്തെ മുൻനനിർത്തിയാണ് നിതീഷ് കുമാറിനെ അധ്യക്ഷ സ്ഥാനത്തേക്ക് തെരഞ്ഞെടുത്തതെന്നും ജെ.ഡി.യു സംസ്ഥാന അധ്യക്ഷൻ ഉമേഷ് കുശ്വാഹ വ്യക്തമാക്കി. ഇൻഡ്യ സഖ്യവുമായി ലാലൻ സിങ് നടത്തുന്ന പ്രവർത്തനങ്ങളിൽ അതൃപ്തിയറിയിച്ച് നിതീഷ് കുമാർ നേരത്തെ രം​ഗത്തെത്തിയിരുന്നു. ഇതിന് പിന്നാലെയാണ് സിങ് അധ്യക്ഷ സ്ഥാനം രാജിവെച്ചതെന്നാണ് റിപ്പോർട്ട്. നേരത്തെ താൻ രാജിവെക്കില്ലെന്നും മാധ്യമങ്ങൾ പാർട്ടിക്കുള്ളിൽ ഭിന്നിപ്പുണ്ടാക്കാൻ ശ്രമിക്കുകയാണെന്നും ചൂണ്ടിക്കാട്ടി സിങ് രം​ഗത്തെത്തിയിരുന്നു. ഇതിന് പിന്നാലെയാണ് രാജി.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

മുഖ്യമന്ത്രി രാജിവെക്കണം, പാർട്ടി കോൺഗ്രസ് ചർച്ച ചെയ്യണം: രാജീവ്‌ ചന്ദ്രശേഖർ

സിഎംആര്‍എല്‍-എക്‌സാലോജിക് ഇടപാടില്‍ വീണ വിജയനെ വിചാരണ ചെയ്യാന്‍ അനുമതി ലഭിച്ച സാഹചര്യത്തിൽ...

നടൻ രവികുമാർ അന്തരിച്ചു. ചെന്നൈയിൽ ആയിരുന്നു അന്ത്യം.

ചെന്നൈ: നൂറിലധികം മലയാള ചലച്ചിത്രങ്ങളിലും നിരവധി തമിഴ് ചിത്രങ്ങളിലും ടെലിവിഷൻ പരമ്പരകളിലും...

ഗോകുലം ഗോപാലന്റെ ഓഫീസിൽ ഇ ഡി റെയ്‌ഡ്.

മോഹൻലാൽ ചിത്രമായ എംപുരാന്റെ നിർമ്മാതാവും പ്രമുഖ വ്യവസായിയുമായ ഗോകുലം ഗോപാലന്റെ ഓഫീസിൽ...

രാജീവ് ചന്ദ്രശേഖർ മുനമ്പത്ത്. സമരസമിതിയിലെ പലരും ബിജെപി അംഗങ്ങളായി

വഖഫ് ഭേദഗതി ബിൽ ഇരു സഭകളിലും പാസായത്തിനു പിന്നാലെ ബി ജെ...