പൃഥ്വിരാജ്- പ്രഭാസ് ചിത്രം സലാർ തിയറ്ററുകളിൽ മികച്ച പ്രതികരണം നേടി പ്രദർശനം തുടരുകയാണ്. 270 കോടി ബജറ്റിലെരുങ്ങിയ ചിത്രം ഒറ്റ ദിവസം കൊണ്ട് 175 കോടിയാണ് സമാഹരിച്ചിരിക്കുന്നത്. 95 കോടിയാണ് സലാറിന്റെ ഇന്ത്യയിലെ ഓപ്പണിങ് കളക്ഷൻ.
സലാറിൽ വരദരാജ മന്നാർ എന്ന കഥാപാത്രത്തെയാണ് പൃഥ്വിരാജ് അവതരിപ്പിച്ചിരിക്കുന്നത്. മികച്ച പ്രതികരണമാണ് പൃഥ്വിരാജിന്റെ കഥാപാത്രത്തിന് ലഭിച്ചിരിക്കുന്നത്. അന്യഭാഷ പ്രേക്ഷകർ പോലും നടനെ അഭിനന്ദിച്ച് രംഗത്തെത്തിയിട്ടുണ്ട്.
സലാറിൽ വരദരാജ മന്നാർ ആകാൻ പൃഥ്വിരാജ് വാങ്ങിയത് 4 കോടി രൂപയാണത്രേ. തെലുങ്ക് മാധ്യമങ്ങളാണ് പ്രതിഫലത്തെക്കുറിച്ച് വെളിപ്പെടുത്തിയിരിക്കുന്നത്. പ്രഭാസിന്റെ കഥാപാത്രമായ ദേവയുടെ അടുത്ത സുഹൃത്താണ് പൃഥ്വിയുടെ വരദരാജ മന്നാർ. ഇവരുടെ സൗഹൃദത്തിന്റെ പശ്ചാത്തലത്തിലൂടെയാണ് കഥ മുന്നോട്ട് സഞ്ചരിക്കുന്നത്.
ശ്രുതി ഹാസനാണ് സലാറിലെ നായിക. എട്ട് കോടി രൂപയാണ് നടിയുടെ പ്രതിഫലമെന്നാണ് റിപ്പോർട്ടുകൾ. അതുപോലെ ജഗപതി ബാബുവും സിനിമയിൽ ഒരു പ്രധാനകഥാപാത്രത്തെ അവതരിപ്പിക്കുന്നുണ്ട്. നാല് കോടിയാണ് ജഗപതി ബാബുവിന്റേയും സലാറിലെ പ്രതിഫലമെന്നാണ് വിവരം.
