ബാബു രാജീവ് ആറ്റിങ്ങൽ
ആറ്റിങ്കൽ : വീട്ടിൽ അതിക്രമിച്ചു കയറി 58കാരിയെ ഉപദ്രവിച്ച യുവാവിനെ വർക്കല പൊലീസ് പിടികൂടി. വർക്കല വെട്ടൂർ സ്വദേശി അനസ് (35)ആണ് അറസ്റ്റിലായത്. ഇക്കഴിഞ്ഞ 26ന് രാത്രിയോടെയാണ് സംഭവം നടന്നത്. ഒറ്റയ്ക്ക് താമസിക്കുന്ന 58കാരിയെ രാത്രിയിൽ വീട്ടിൽ അതിക്രമിച്ചു കയറി ലൈംഗികമായി ഉപദ്രവിക്കുകയായിരുന്നു. ഇവരുടെ പരാതിയിന്മേൽ വർക്കല പൊലീസ് കേസെടുത്തു. സംഭവശേഷം ഒളിവിലായിരുന്ന പ്രതിയെ വർക്കല എസ് എച്ച് ഒ പ്രവീൺ ജെ.എസിന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. ഇയാളെ കോടതിയിൽ ഹാജരാക്കും. അനസ് നിരവധി കേസുകളിൽ പ്രതിയാണ് കൂടാതെ റൗഡി ലിസ്റ്റിലും പേരുണ്ട്.
